Pellegrinaġġi Franġiskani 2023
Dati
- 12-22 April 2023
Programm
L-Ewwel Jum:
Niltaqgħu l-airport* minn fejn nitilqu għal Tel Aviv.
It-Tieni Jum:
Breakfast. Żjara fil-Bażilika tal-Madonna. Quddiesa, inżuru d-dar ta’ San Ġużepp f’Nazaret. Żjara lill-Mużew Arkeoloġiku tal-Franġiskani. Pranzu. Tluq lejn il-Muntanja Tabor fejn nikkontemplaw it-Trasfigurazzjoni ta’ Ġesù – Mument ta’ talb. Nitilqu lejn il-Karmelu biex inżuru is-Santwarju ta’ Stella Maris. Wara lura lejn Nazaret. Ċena.
It-Tielet Jum:
Breakfast. Tluq għal Kafarnahum. Quddiesa fil-Memorjal ta’ San Pietru u żjara f’Kafarnahum, il-belt ta’ Ġesù. Nitilgħu fuq l-Għolja tal-Bejatitudnijiet u nżuru is-Santwarju. Inżuru Tabgha: is-Santwarju tat-Tkattir tal-Ħobż, Santwarju tal-Primat ta’ San Pietru u naqsmu l-Baħar tal-Galilija. Pranzu. Inżuru Magdala. Żjara lis-Santwarju ta’ Kana fil-Galilja. Tiġdid tal-Wegħdiet taż-Żwieġ. Lura lejn Nazaret u Ċena.
Ir-Raba’ Jum:
Breakfast. Nitilqu lejn il-fruntiera tat-Tramuntana, naqsmu l-fruntiera u nidħlu fil-Ġordanja. Inżuru Jerash belt Rumana tad-Decapoli. Pranzu. Nibdew triqtna lejn Petra. Fi triqtna nżuru l-Għolja Nebo fejn ikollna quddiesa. Ngħaddu mid-deżert ta’ Wadi Mousa qabel ma ninżlu Petra. Ċena.
Il-Ħames Jum:
Breakfast. Nidħlu fil-belt Nabateja ta’ Petra. Inżuru l-monumenti prinċipali tal-belt; it-Teżor tal-Faragħun Khazneh Far’on, bini mnaqqax mill-blat kulur roża, l-oqbra Korinzi eċċ. Petra ġiet deskritta minn John William Burgon, Biblista tad-dsatax-il seklu bħala, “A rosered city half as old as Time.” Pranzu. Nitilqu lejn Amman. Fi triqitna nżuru Madaba, il-belt prinċipali fin-nofsinhar tal-Ġordanja, inżuru l-Knisja ta’ San Ġorġ fejn naraw l-eqdem mappa tal-Art Imqaddsa maħduma bil-mużajk. Naslu Amman. Ċena.
Is-Sitt Jum:
Breakfast. Nitilqu lejn il-fruntiera, inżuru s-sit tal-Magħmudija fil-Wadi al Kharar. Tiġdid tal-Wegħdiet tal-Magħmudija. Naqsmu l-fruntiera lejn Israel mill-pont ta’ Allenby. Pranzu. Inżuru Ġeriko u l-Muntanja tal-Kwarantena. Quddiesa fil-Knisja tar-Ragħaj it-Tajjeb Lejn il-lukanda f’Ġeriko. Ċena.
Is-Seba’ Jum:
Breakfast. Tluq minn Ġeriko. Inżuru l-fortizza ta’ Masada. Lejn Qumran u l-Baħar il-Mejjet. Waqfa għal għawma. Pranzu. Nitilgħu lejn Ġerusalemm. Naqsmu d-Deżert ta’ Ġuda. Quddiesa fis-Santwarju ta’ Betanja, ir-raħal ta’ Lazzru, Marta u Marija. Lejn il-lukanda f’Betleħem. Ċena.
It-Tmien Jum:
Breakfast. Niċċelebraw il-quddiesa tal-Milied f’Betleħem. Żjara fil-Bażilika tan-Natività u lis-Santwarju tal-Grotta tal-Ħalib. Pranzu. Żjara lis-Santwarju tar-Ragħajja. Tluq għal Għajn Karem. Żjara fis-Santwarju tat-Twelid ta’ San Ġwann Battista u fis-Santwarju tal-Viżitazzjoni. Lura lejn il-lukanda f’Betleħem. Ċena.
Id-Disa’ Jum:
Breakfast. Tluq għas-Santwarju ta’ Betfaġe. Nitilgħu fuq l-Għolja taż-Żebbuġ, inżuru l-Axxensjoni, Pater Noster, Dominus Flevit u l-Bażilika tal-Ġetsemani. Wara żjara fil-Grotta tal-Appostli u l-Qabar tal-Madonna. Pranzu. Żjara liċ-Ċenaklu fuq il-Għolja Sijon, Santwarju tad-Dormizzjoni tal-Madonna. Quddiesa fiċ-Ċenakolino. Inżuru l-Kwartier Lhudi u il-Ħajt tal-Bikkejja. Ċena. Filgħaxija
Ora Santa fil-Bażilika tal-Ġetsemani. Lura lejn il-lukanda f’Ġerusalemm.
L-Għaxar Jum:
Breakfast. Żjara fil-Bażilika tal-Qabar ta’ Kristu u ċelebrazzjoni tal-Quddiesa tal-Għid. Inżuru is-Santwarju ta’ Sant’Anna, Santwarju tal-Flaġellazzjoni u l-Kundanna. Issir il-Via Dolorosa. Pranzu. Wara nofsinhar free time. Ċena fil-lukanda f’Ġerusalemm.
L-Aħħar Jum:
Tluq minn Tel Aviv għal Malta*
* Dettalji tal-ħinijiet jingħataw waqt il-laqgħa li ssir qabel it-tluq.
Il-Pellegrinaġġ *
Prezz: €2,320
Single Supplement: €420
Il-prezz jinkludi fih kollox:
- Il-pellegrinaġġ full-board
- L-insurance
- It-tips
- It-trasport, b’coach dejjem magħna
- Border tax
- Il-badge
- Il-ktieb tat-talb għall-Pellegrinaġġ
- u fuq kollox Patri Franġiskan Malti li għex fl-Art Imqaddsa li jmexxi l-Pellegrinaġġ bħala Gwida u bħala Animatur Spiritwali.
* Termini u kundizzjonijiet japplikaw
Dati
- 20-27 ta’ Mejju
- 24 ta’ Ġunju – 1 ta’ Lulju
- 19-26 ta’ Awwissu
- 9-16 ta’ Settembru
Programm
L-Ewwel Jum:
Niltaqgħu l-airport* minn fejn nitilqu għal Tel Aviv.
It-Tieni Jum:
Breakfast. Żjara fil-Bażilika tal-Madonna. Quddiesa, inżuru d-dar ta’ San Ġużepp f’Nazaret. Żjara lill-Mużew Arkeoloġiku tal-Franġiskani. Pranzu. Tluq lejn il-Muntanja Tabor fejn nikkontemplaw it-Trasfigurazzjoni ta’ Ġesù – Mument ta’ talb. Nitilqu lejn il-Karmelu biex inżuru s-Santwarju ta’ Stella Maris. Wara lura lejn Nazaret. Ċena.
It-Tielet Jum:
Breakfast. Tluq għal Kafarnahum. Quddiesa fil-Memorjal ta’ San Pietru u żjara f’Kafarnahum, il-belt ta’ Ġesù. Nitilgħu fuq l-Għolja tal-Bejatitudnijiet u nżuru is-Santwarju. Inżuru Tabgha: is-Santwarju tat-Tkattir tal-Ħobż, Santwarju tal-Primat ta’ San Pietru u naqsmu l-Baħar tal-Galilija. Pranzu. Inżuru Magdala. Żjara lis-Santwarju ta’ Kana fil-Galilja. Tiġdid tal-Wegħdiet taż-Żwieġ. Lura lejn Nazaret u Ċena.
Ir-Raba’ Jum:
Breakfast. Tluq minn Nazaret, ngħaddu mill-Wied tal-Ġordan. Immorru Qasr el Yahud. Tiġdid tal-Wegħdiet tal-Magħmudija. Inżuru l-Muntanja tal-Kwarantena, il-belt ta’ Ġeriko, Qumran u l-Baħar il-Mejjet. Waqfa għal għawma. Pranzu. Nitilgħu lejn Ġerusalemm. Naqsmu d-Deżert ta’ Ġuda. Quddiesa fis-Santwarju ta’ Betanja, ir-raħal ta’ Lazzru, Marta u Marija. Lejn il-lukanda f’Betleħem. Ċena.
L-Ħames Jum:
Breakfast. Niċċelebraw il-quddiesa tal-Milied f’Betleħem. Żjara fil-Bażilika tan-Natività u lis-Santwarju tal-Grotta tal-Ħalib. Pranzu f’Betleħem. Żjara lis-Santwarju tar-Ragħajja. Tluq għal Għajn Karem. Żjara fis-Santwarju tat-Twelid ta’ San Ġwann Battista u fis-Santwarju tal-Viżitazzjoni. Lejn il-lukanda f’Betleħem. Ċena.
Is-Sitt Jum:
Breakfast. Tluq għas-Santwarju ta’ Betfaġe. Nitilgħu fuq l-Għolja taż-Żebbuġ, inżuru l-Axxensjoni, Pater Noster, Dominus Flevit u l-Bażilika tal-Ġetsemani. Wara żjara fil-Grotta tal-Appostli u l-Qabar tal-Madonna. Pranzu. Żjara liċ-Ċenaklu fuq il-Għolja Sijon, Santwarju tad-Dormizzjoni tal-Madonna. Quddiesa fiċ-Ċenakolino. Kwartier Armen, Ċittadella u Bieb ta’ Ġaffa. Ċena. Filgħaxija Ora Santa fil-Bażilika tal-Ġetsemani. Lura lejn il-lukanda f’Ġerusalemm.
Is-Seba’ Jum:
Breakfast. Żjara fil-Bażilika tal-Qabar ta’ Kristu u ċelebrazzjoni tal-Quddiesa tal-Għid. Kwartier Lhudi u l-Ħajt tal-Bikkejja, Santwarju ta’ Sant’Anna, Santwarju tal-Flaġellazzjoni u l-Kundanna. Pranzu. Wara nofsinhar free time. Ċena fil-lukanda f’Ġerusalemm.
L-Aħħar Jum:
Tluq minn Tel Aviv għal Malta*
* Dettalji tal-ħinijiet jingħataw waqt il-laqgħa li ssir qabel it-tluq.
IL-PELLEGRINAĠĠ *
Prezz: €1,600
Single Supplement: €260
Il-prezz jinkludi fih kollox:
- Il-pellegrinaġġ full-board
- L-insurance
- It-tips
- It-trasport, b’coach dejjem magħna
- Border tax
- Il-badge
- Il-ktieb tat-talb għall-Pellegrinaġġ
- u fuq kollox Patri Franġiskan Malti li għex fl-Art Imqaddsa li jmexxi l-Pellegrinaġġ bħala Gwida u bħala Animatur Spiritwali.
* Termini u kundizzjonijiet japplikaw
Dati
- 8-18 ta’ Novembru
Programm
L-Ewwel Jum
Niltaqgħu l-airport* minn fejn nitilqu għal Tel Aviv. Minn hawn nitilqu lejn Nazaret.
It-Tieni Jum:
Breakfast. Żjara fil-Bażilika tal-Madonna. Quddiesa, Inżuru d-dar ta’ San Ġużepp f’Nazaret. Żjara lill-Mużew Arkejoloġiku tal-Franġiskani. Ikel. Tluq lejn il-Muntanja Tabor fejn nikkontemplaw it-Trasfigurazzjoni ta’ Ġesù – Mument ta’ talb. Tluq lejn il-Karmelu wara lura lejn Nazaret. Ċena.
It-Tielet Jum:
Breakfast. Tluq għal Kafarnahum. Quddiesa fil-Memorjal ta’ San Pietru u żjara f’Kafarnahum, il-belt ta’ Ġesù. Nitilgħu fuq l-Għolja tal-Bejatitudnijiet u nżuru is-Santwarju. Inżuru Tabgha: is-Santwarju tat-Tkattir tal-Ħobż, Santwarju tal-Primat ta’ San Pietru u naqsmu l-Baħar tal-Galilija. Pranzu. Inżuru Magdala. Żjara lis-Santwarju ta’ Kana fil-Galilja. Tiġdid tal-Wegħdiet taż-Żwieġ. Lura lejn Nazaret u Ċena.
Ir-Raba’ Jum:
Breakfast. Tluq minn Nazaret, ngħaddu mill-Wied tal-Ġordan. Immorru Qasr el Yahud. Tiġdid tal-Wegħdiet tal-Magħmudija. Inżuru l-Muntanja tal-Kwarantena, il-belt ta’ Ġeriko, Qumran u l-Baħar il-Mejjet. Waqfa għal għawma. Pranzu. Nitilgħu lejn Ġerusalemm. Naqsmu d-Deżert ta’ Ġuda. Quddiesa fis-Santwarju ta’ Betanja, ir-raħal Lazzru, Marta u Marija. Lejn il-lukanda f’Betleħem. Ċena.
Il-Ħames Jum:
Breakfast. Niċċelebraw il-quddiesa tal-Milied f’Betleħem. Żjara fil-Bażilika tan-Natività u lis-Santwarju tal-Grotta tal-Ħalib. Żjara lis-Santwarju tar-Ragħajja. Tluq għal Għajn Karem. Żjara fis-Santwarju tat-Twelid ta’ San Ġwann Battista u fis-Santwarju tal-Viżitazzjoni. Ikel. Nitilgħu fuq l-Għolja taż-Żebbuġ, inzuru l-Axxensjoni, Pater Noster, Dominus Flevit u l-Bażilika tal-Ġetsemani. Wara żjara fil-Grotta tal-Appostli u l-Qabar tal-Madonna. Lura lejn il-lukanda. Ċena.
Is-Sitt Jum:
Breakfast. Quddiesa ġewwa Betfaġe. Tluq lejn il-Baħar l-Aħmar, Eilat. Ikel. Naqsmu l-fruntiera għas-Sinaj u tluq lejn Santa Katerina. Ċena.
Is-Seba’ Jum:
Filgħodu kmieni ħafna, minn jixtieq, mal-gwida tal-post, titilgħu fuq il-muntanja Sinaj u taraw tlugħ ix-xemx. Wara tinżlu u nżuru l-monasteru ta’ Santa Katerina flimkien. Ikel u tluq lejn Eilat. Ċena.
It-Tmien Jum:
Breakfast. Inżuru Mażada u inkomplu lejn Ġerusalemm. Ikel. L-Għolja ta’ Sijon, quddiesa fiċ-Ċenakolino. Żjara tal-Kwartier Lhudi fejn naraw il-ħajt tal-punent. Lejn il-Lukanda ġewwa Ġerusalemm. Ċena.
Id-Disa’ Jum:
Breakfast. Żjara fil-Bażilika tal-Qabar ta’ Kristu u Ċelebrazzjoni tal-Quddiesa tal-Għid. Santwarju ta’ Sant’Anna, Santwarju tal-Flaġellazzjoni u l-Kundanna. Ikel. Wara ħin liberu. Ċena fil-Lukanda. Filgħaxija Ora Santa fil-Bażilka tal-Ġetsemani. Lura lejn il-Lukanda ġewwa Ġerusalemm.
L-Għaxar Jum:
Breakfast. Żjara f’Għemmaws el Qubeibeh, fejn ikollna Quddiesa. Ikel. Purċissjoni mal-Franġiskani fil-Bażilika tal-Qabar ta’ Kristu – Meditazzjoni fuq il-Passjoni, Mewt u Qawmien tal-Mulej. Ċena fil-lukanda Ġerusalemm.
L-Aħħar Jum:
Tluq minn Tel Aviv għal Malta*
* Dettalji tal-ħinijiet jingħataw waqt il-laqgħa li ssir qabel it-tluq.
Il-Pellegrinaġġ
Prezz: €2,320
Single Supplement: €420
Il-prezz jinkludi fih kollox:
- Il-pellegrinaġġ full-board
- L-insurance
- It-tips
- It-trasport, b’coach dejjem magħna
- Border tax
- Il-badge
- Il-ktieb tat-talb għall-Pellegrinaġġ
- u fuq kollox Patri Franġiskan Malti li għex fl-Art Imqaddsa li jmexxi l-Pellegrinaġġ bħala Gwida u bħala Animatur Spiritwali.
* Termini u kundizzjonijiet japplikaw
Infurmana bl-interess tiegħek li tiġi għal wieħed mill-Pellegrinaġġi li joffri l-Kummissarjat tal-Art Imqaddsa. Inweġbuk mill-aktar fis possibbli.
Kundizzjonijiet
1. Il-Kummissarjat tal-Art Imqaddsa jaċċetta li jagħmel reservation fuq sempliċi notifika permezz tat-telefon, email jew kwalunkwe tip ta’ komunikazzjoni oħra. Din ir-reservation issir booking meta jitħallas id-depożitu. Għall-Pellegrinaġġi għall-Art Imqaddsa d-depożitu huwa ta’ €500 (ħames mitt Ewro), għall-Pellegrinaġġi l-oħra, id-depożitu huwa ta’ €350 (Tliet mija u ħamsin Ewro).
2. Id-depożitu jrid jitħallas sa mhux aktar tard minn 6 ġimgħat qabel id-data tat-tluq. Fil-każ li jkun hemm domanda qawwija għall-postijiet, il-Kummissarjat jirriżerva d-dritt li jitlob il-ħlas tad-depożitu qabel is-6 ġimgħat. Il-bilanċ irid jitħallas sa mhux aktar tard minn 4 ġimgħat mid-data tat-tluq. Il-ħlasijiet jistgħu jsiru permezz ta’ ċekk personali, ċekk bankarju jew permezz ta’ trasferiment permezz tal-internet.
3. Il-prezzijiet f’dan il-brochure huma validi fid-data tal-pubblikazzjoni tiegħu. Fl-eventwalità li l-prezzijiet tal-fornituri tagħna jiżdiedu, il-Kummissarjat jirriżerva d-dritt li jgħaddi dawn iż-żidiet lill-pellegrini.
Iż-żidiet jistgħu ikunu minħabba:
- Ċaqliq fil-kambju
- Żieda fit-taxxi – kemm f’Malta jew barra minn Malta
- Fuel surcharge tal-ajruplani
4. Il-Kummissarjat iżomm id-dritt li jikkanċella l-Pellegrinaġġ f’każ li n-numru ta’ parteċipanti ma jintlaħaqx. Dan isir sa ġimagħtejn qabel id-data tat-tluq. Kull ħlas li jkun sar jingħata lura.
5. Il-prezzijiet tal-Pellegrinaġġi huma maħduma fuq bażi ta’ tnejn minn nies f’kamra doppja. Ikun hemm numru limitat ta’ kmamar single, għal dawn irid jitħallas supplement kif indikat fil-programm tal-Pellegrinaġġ partikolari. Jekk ikollna talba għal tlieta f’kamra din tingħata mingħajr skont fil-prezz.
6. Pellegrini jistaqsu biex il-kmamar ikunu ħdejn xulxin. F’dan il-każ il-Kummissarjat jagħmel it-talba lill-maniġment tal-lukanda f’dan ir-rigward, iżda mhux dejjem ikun possibli li jsir dan. Din hi xi ħaġa li l-Kummissarjat m’għandu l-ebda kontrol fuqha.
7. Tfal taħt it-12-il sena jridu bilfors ikunu akkumpanjati minn żewġ adulti f’kamra biex iħallsu prezz ta’ tfal. Jekk it-tfal ikunu ma’ persuna adulta waħda biss, ikollhom iħallsu l-prezz tal-kbar.
8. Il-Kummissarjat mhux responsabbli għall-ebda danni ta’ trasport żejjed, ikel jew spejjeż tal-lukanda, f’każ ta’strajks jew kwalunkwe kawżi oħra, li l-Kummissarjat ma jkollux kontroll fuqhom.
9. F’każ li pellegrinaġġ jitwal aktar milli programmat, u dan minħabba raġunijiet diversi li l-Kummissarjat ma jkollux kontroll fuqhom, jew f’każ li l-ħinijiet jiġu mibdulin, l-ebda forma ta’ kumpens mhi applikabbli.
10. Jekk mhux indikat mod ieħor, l-akkomodazzjoni hi fuq bażi full board. Xorb waqt l-ikel, inkluż l-ilma, mhux inkluż fil-prezz. Konsum ta’ ikel u xorb mill-mini bar tal-kamra, telefonati u servizzi oħra mhux speċifikati bħala nklużi fil-prezz tal-Pellegrinaġġ huma r-responsabilità tal-pellegrini u jridu jitħallsu minnhom direttament lil-lukanda jew fornitur.
11. Il-prezz tal-Pellegrinaġġ jinkludi l-biljetti tad-dħul, fejn dan huwa mitlub, kif ukoll kull ħlas ieħor neċessarju waqt il-pellegrinaġġ. Jista’ jagħti l-każ li minħabba raġunijiet li ma jkunux taħt il-kontroll tal-Kummissarjat ma nkunux nistgħu nżuru postijiet avżati. Il-Kummissarjat mhux responsabbli jekk titħassar xi żjara minħabba raġunijiet ta’ maltemp, terremoti jew nuqqas ta’ sigurtà f’kwalunkwe pajjiż relatat mal-Pellegrinaġġ.
12. Il-ħinijiet tat-tluq u ritorn kif indikat fil-programm, jista’ jinbidel u dan skont il-linji tal-ajru, ħaġa li l-Kummissarjat m’għandhux kontroll fuqha. Il-Kummissarjat iżomm id-dritt li jista’ jbiddel l-itinerarji jew il-lukanda fejn ikun hemm bżonn.
13. Kull pellegrin huwa obbligat iżomm il-ħin u post indikat lilu mil-leader/gwida. F’każ li l-pellegrin ma jkunx fil-ħin, il-leader/gwida għandu d-dritt u l-obbligu li jitlaq. Kwalunkwe spejjeż ta’ trasport jew taxis iridu jitħallsu mill-persuna li ma żżommx il-ħin.
14. Mal-ħlas tad-depożitu, il-pellegrini jridu jipprovdu fotokopja tal-passaport tagħhom lill-Kummissarjat. Kull persuna hija responsabbli għall-kontenut tal-passaport tagħha. Importanti li qabel issiefru taraw li dan id-dokument huwa validu. Għal safar barra minn l-Unjoni Ewropeja, il-passaport ma jridx ikun jiskadi sa sitt xhur wara d-data tar-ritorn mill-Pellegrinaġġ. F’każ li persuna ma titħalliex issiefer minħabba f’hekk, il-Kummissarjat mhux responsabbli u ma jingħata ebda ħlas lura.
15. Il-prezz tal-Pellegrinaġġi kollha jinkludi assikurazzjoni tal-ivvjaġġar. Pellegrin jista’ jkollu assikurazzjoni tiegħu, f’dan il-każ jingħata refużjoni tal-premium. Jingħataw refużjoni tal-premium dawk il-pellegrini li jkunu ’il fuq minn 70 sena li ma humiex koperti mill-polza tal-assikurazzjoni li joffri l-Kummissarjat. Kull pellegrin jrid ikun assikurat.
16. Hi r-responsabbilità tal-pellegrin li jkollu E111 – Assikurazzjoni dwar is-Saħħa Ewropeja meta
jivvjaġġa fl-Unjoni Ewropeja.
17. Hi r-responsabbilità tal-pellegrin li javża l-Kummissarjat dwar ħtigijiet jew kundizzjoni medika li huma mportanti ħafna li jkunu magħrufa. Jekk dan ma jsirx, il-Kummissarjat ma jistax jiggarantixxi li l-pellegrin jingħata s-servizz u l-faċilitajiet li jkun jeħtieġ.
18. Kanċellazzjoni ta’ booking tintlaqa’ biss bil-miktub. F’każ ta’ kanċellament dawn li ġejjien huma l-penali li jridu jitħallsu:
| Żmien, qabel id-data tat-tluq li fih tingħata n-notifika ta’ kanċellament | Penali |
|---|---|
| 29 ġurnata qabel | Id-depożitu |
| 21 – 28 ġurnata | 50% tal-prezz tal-Pellegrinaġġ |
| 14 – 20 ġurnata | 75% tal-prezz tal-Pellegrinaġġ |
| 13-il ġurnata jew inqas | 100% tal-prezz tal-Pellegrinaġġ |
Jekk ir-raġuni tal-kanċellament taqa’ taħt it-termini tal-assikurazzjoni, il-pellegrin ikun jista’ jitlob rifużjoni tal-penali mingħand il-kumpanija tal-assikurazzjoni.
19. Għal dawk il-pellegrinaġġi fejn jintużaw linji tal-ajru Low Cost, il-prezz tal-biljett li jrid jitħallas mill-ewwel mal-booking mhux rifondibbli. Staqsu dwar dan il-ħlas fil-mument li jsir il-booking. Din il-penali ma tistax ma titħallasx, minkejja dak li jingħad fin-numru 18 hawn fuq.